Dy të dashuruarit, rreth të tridhjetave, po bënin seks në një pjesë private të parkut derisa mbretëresha Elizabeta II gjendej në rezidencën e saj. Ata po bënin dashuri para disa turistëve dhe ushtarëve të cilët po shtyheshin se cili të zë një vend më të mirë për të pare.
Disa turistë japonezë, të cilët gjithmonë janë “të armatosur” me kamera, i kanë regjistruar ata për njëzet minuta rresht para se të vinte policia. Siç shkruan gazeta londineze “Sun”, çifti i partnerëve që policia i ka përshkruar si “njerëz të ndershëm të profesioneve të ndershme” janë turpëruar me sjelljen e tyre. Një prej dëshmitarëve të shokuar ka deklaruar se dy të paturpshmit përveç se kanë kryer seks në publik, kanë injoruar edhe tabelën "Mos e shkel barin".